کوشیان دوو گەنج وە رویداویگ هاتوچو و دزیکردن ماشینیگ لە کەرکوک
2024-08-20T06:38:12+00:00
شەفەق نیوز/ سەرچەوەیگ لە پارێزگای کەرکوک، ئمڕوو سێشەممە، خەوەردا لە کوشیان دوو گەنج لە رویداویگ هاتوچو لە باشوور پارێزگاگە، و کەسیگ نەناسیای ماشین نوویگ لە باکوور کەرکوک دزیە.
سەرچەوەگە ئەرا ئاژانس شەفەق نیوز وت: دوو گەنج وە کووڵ دوو ماتووڕسکڵ دان لەیەک لە نزیک ئاوای سنور لە قەزای داقوق کە تەمەنیان ١٦ و ١٨ ساڵان بوی، دویای رەسینیان ئەرا خەسەخانە گیانیان لەدەسدان.
هەرلیوا، سەرچەوەگە دیاری کرد کە کەسەیلیگ نەناسیای ماشینیگ مارکەی سەنی نیسان نوو لە ناوچەی رەشید ئاوە نزیک شۆرجە دزینە و وەرەو شوین نادیاریگ بردنەسەی.
وتیش: پولیس لێکۆڵینەوە لە رویداوەگە واز کرد ئەرا ناسین دزەیل.
