کوڕیگ باوگ خوەی کوشێد لەکەرکوک و پەیاکردن تەرمیگ لە بەغداد
2021-12-18T12:23:52+00:00
شەفەق نیوز/ سەرچەوەیگ ئەمنی لە کەرکوک، ئمروو شەممە، خەوەردا لە کوشیان پیاویگ وگولەی نەزانستن کورەگەی خوەی لەناوڕاس شارەگە، و هێزیگ ئەمنی تەرمیگ نەناسریاگ لە باشوور بەغداد پەیا کرد.
سەرچەوەگە ئەرا ئاژانس شەفەق نیوز وت: بنکەی پۆلیس عەدالە لەشار کەرکوک ئاگادارییگ لە رووداو کوشتن وەگولە لە گەڕەک یەک حوزەیران وەرگرد، و دەرکەفت ک بکوشەگە کوڕ قوربانیەگە بۊیە، وە نەزانستن دەسکاری چەک کردگە و گولە لەدەسی دەرچگە.
و دیاری کرد ک قوربانیەگە ئەندامە لە پۆلیس کەرکوک، و تەرمەگە وەرەو پزشک دادوەری بریا.
لەلاییگ تر، سەرچەوەیگ ئەمنی لە بەغداد، خەوەردا ک هێزیگ ئەمنی تەرم پیاویگ نەناسریاگ پەیا کرد، شۊن چەقو لە زگی بۊی، ئەوەیش لە یەکیگ لە مەیدانە چووڵەیل لە ناوچەی پیەڵ دیالەی کۆنە.
