کوشیان و زەخمداری لە دوو پەلامار جیاجیا لە بەغداد
2021-05-24T07:37:51+00:00
شەفەق نیوز/ دوو سەرچەوەی ئەمنی، ئمڕوو دووشەممە، خەوەردان لە کوشیان یەک کەس و زەخمداری کەسیگ تر لە دوو پەلامار جیاجیا لە ناوچەیل شەعەب و بووب شام لە بەغداد پایتەخت.
یەکیگ لە سەرچەوەیلە ئەرا ئاژانس شەفەق نیوز وت: دوو کەس نەناسریاگ لە ناوچەی شەعەب تەقە لە یەک کابرایگ کردن وکوشتنەی، و تەرمەگە وەرەو خەسەخانەی ئیمام عەلی بریا.
سەرچەوەگە دیاری کرد ک هێزە ئەمنیەیلە دەسوەسەر تاوانبارەیل کردن.
سەرچەوەیگ تر ئەرا ئاژانس شەفەق نیوز وت: دوو کەس لە کووڵ ماتۆڕسکڵیگ لە ناوچەی بووی شام تەقە لەیەکیگ کردن تا تاڵانی بکەن، و سینەی زەخمدار کردن و باسی چوار مەلیۆن دینار لەلی تاڵان کردن.
