کوردستان زیاتر لە ٤٦ ملیار دینار ئەرا ئاوەدانکردن مەکتەوەیل تەرخان کەێد

شەفەق نیوز/ ئالان حەمە سەعید وەزیر پەروەردەی هەرێم کوردستان، ئمڕوو شەممە، تەرخانکردن زیاتر لە ٤٦ ملیار دینار عراقی ئەرا ئاوەدانکردن مەکتەوەیل هەرێم کوردستان راگەیان.

حەمە سەعید ئەرا ئاژانس شەفەق نیوز وت: حکومەت هەرێم کوردستان زیاتر لە ٤٦ ملیار دینار ئەرا دووارە ئاوەدانکردن مەکتەوەیل لەی ساڵ خوەنستنە تەرخان کرد، وتیش: ئی بڕیارە جویر بەشیگ لە تەقەلایل حکومەت تیەێد ئەرا گەشەکردن و خاسەوکردن کەرت پەروەردەیی لە کوردستان.

وتیش: وەزارەت پەروەردە دەسکردە چاپکردن زیاتر لە ١٥ مەلیۆن کتاو ئەرا ساڵ خوەنستن نوو، وە بوودجەی ١٧ ملیار دینار عراقی تا ئەرا خوەنەوارەیل بەشیان بکەێد.

وەزارەت پەروەردە لە حکومەت هەرێم کوردستان، راگەیان رووژ سێشەممە ١٣ی ئەیلوول بوودە یەکەم رووژ ە ساڵ خوەنستن نوو، و دیاری کرد ک بەڕنامەی نوویگ ئەرا خوەی دانایە.