وەزارەت پەروەردە پۆل وانە وتن ئۆنلاین ئەرا زاڕووە.کوردەیل تاراوگە واز کەێد
شەفەق نیوز/ وەزارەت پەروەردەی هەرێم کوردستان، ئمڕوو سێشەممە، پۆل ئۆنلاین ئەرا هوکارەبوین زوان کوردی (شیوەزار سۆرانی و شیوەزار بادینی) ئەرا زاروویەیل تاراوگە واز کەێد.
وەزارەتەگە لە بەیاننامیگ راگەیان، " وە وەخاتر گرینگیدان وە زوان کوردی ئەرا زاڕوویەیل تاراوگە، وەزارەت پەروەردە وە هەماهەنگی ناوەند رەوەند کوردستانی پۆل ئۆنلاین ئەرا هوکارەکردن زوان کوردی " شیوەزارەیل سۆرانی و بادینی" ئەرا زاروویەیل تاراوگە واز کەێد.
لە بەیاننامەگە هاتییە، " کۆرس یەکەم خوەنستن لە 8ی 3 ی2022 دەسوەپی کرد لە 21ی 8ی 2022 کوتایی هات، ک 107 زاڕووی کوورد لە وڵاتەیل جیاواز بەشداری کردن ئەرا ماوەی زیاتر لە پەنج مانگ".
ئاشکەرایکرد، وەزارەتەگە کۆرس نوویگ خوەیتوومارکردن وازکەێد ک وەلایەن مامووسایەیل شارەزای زوان کوردی وەزارەت پەروەردە کۆرسەیل ئوشریەێد.
وتیش، ئیوەیش توەنینن لە ری وێبسایت ئەلیکترۆنی ناوەند رەوەند کوردستانی زاڕوویەیلدان تووماربکەین دویایئەوەگ کۆد ئەرایان دروس کریەێد و گشت رووژیگ یەکشەممە وانەیلە وە ئۆنلاین ئوشێریەێد.
