٥٠٠٠ خوەنەوار لە مەکتەوەیل کوردستان لە خانەقین ئەرا دەوام تێانەو

٥٠٠٠ خوەنەوار لە مەکتەوەیل کوردستان لە خانەقین ئەرا دەوام تێانەو
2021-05-17T09:55:39+00:00

شەفەق نیوز/ وەڕێۆبەرایەتی پەروەردەی خانەقین سەروە هەرێم کوردستان، راگەیان هاتنەوە ئەرا دەوام لە گشت قۆناغەیل وەگورەی ریکارەیل مقەیەتیکردن سەختیگ.

حەسەن تاڵەبانی وەڕێۆبەر پەروەردەی خانەقین ئەرا ئاژانس شەفەق نیوز وت: زیاتر لە ٥٢٠٠ خوەنەوار لە گشت قۆناغەیل خوەنستن ئەرا دەوامیان لە مەکتەوەیل خانەقین هاتنەو، وەگورەی میکانزم و ریکارەیل وەزارەت پەروەردەی هەرێم کوردستان.

تاڵەبانی دیاری کرد میکانزم دەوامەگە لە مەکتەوەیل خانەقین ک رەسنە ٢٥ مەکتەو، یەک رووژ دەوامە لە یەک بنەڕەتی تا پەنج ئامادەیی، و دەوام رووژانە ئەرا خوەنەوارەیل ئامادەیی تا دەسکردن وە تاقیکردنەوەیل کۆتایی گ لە ٢٢ حوزەیران و تاقیکردنەوەیل شەش ئامادەیی لە ٢٥ تەمووز دەس وەپیکەێد.

تاڵەبانی دووپات کرد لە چەسپانن ریکارەیل مقەیەتیکردن لە گشت مەکتەوەیل ئەرا مقەیەتیکردن خوەنەوارەیل لە ڤایڕۆس کۆڕۆنا وەگەرد هەڵمەتەیل رەوانگەکردن تەندروسی رووژانە، و گشت خوازینەیل سەرکەفتن و تەواوکردن ساڵ خوەنستن لەلایەن پەروەردە هەرێم کوردستان ئامادە کریاگە.

Shafaq Live
Shafaq Live