پەروەردەی خانەقین ئامادەکاری ئەرا تاقیکردنەوەی شەش ئامادەیی تەواو کەێد
شەفەق نیوز/ وەڕێۆبەرایەتی پەروەردەی خانەقین سەروە هەرێم کوردستان، ئمڕوو دووشەممە، گشت ئامادەکارەیلی ئەرا ئەنجامدان تاقیکردنەوەی شەش ئامادەیی تەواو کرد، ک زیاتر لە ٧٠٩ خوەنەوار لە کوڕ و دوێەت بەشداری بوون.
حەسەن محمد تاڵەبانی وەڕێۆبەر پەروەردەگە ئەرا ئاژانس شەفەق نیوز وت: تاقیکردنەوەیلە لە پیس پەنج ئی مانگە، ئەرا بەشەیل ئەدەبی و زانستی و پیشەسازی دەس وەپیکەێد، و هەر دوو رووژ لە هەفتەیگ (یەکشەممە، و چوارشەممە) ئەنجام دریەێد، و لە ١٥ی ٨ تەواو بوود.
تاڵەبانی وتیش؛ بنکەیل تاقیکردنەوەیل وە مولدەی کارەبا و ئاو خواردن ئامادە کریانە ئەگەر کارەبا بڕیتدا، وەگەرد هەماهەنگی ئیدارەی خانەقین ئەرا دابینکردن کارەبا لە مەوقەی تاقیکردنەوەیل.
تاڵەبانی نشان دا لە هەماهەنگییگ وەگەرد دەزگا ئەمنیەیلە ئەرا مقەیەتیکردن بنکەیل تاقیکردنەوەیل و ئامادەکردن کەشوهەوای گونجیاگ ئەرا تاقیکردنەوەیل ئامادەیی.
