وێنە... قاێمقام هەولێر دڵنیایی لە ئامارەیل خوەراک کەێد
شەفەق نیوز/ قاێمقام هەوڵێر نەبەز عەبدولحەمید، ئمڕوو دوشەممە، گەردین وەبان ئەمارەیل مادەیل خوەراکی ئەنجامدا ئەرا چەودێریکردن لە بەرزەوبۊن نرخ ئەو مادەیلە وەتایبەت رۊن ئاش.
پەیامنێر ئاژانس شەفەق نیوز وت، قاێمقام هەولێر سەردان ئەمارەیل گەورەی مادەیل خوەراکی لە شارەگە کردیە ک لەناوی مادەیل هاوردەکریاگ لە وڵاتەیل هاوسا و وڵاتەیل ئەوروپی ئەمار کریەێد ئەرا ئەوەگ کۆنترۆل بازاڕ بکەن و نواگیری لە بەرزەوبۊن نرخ بکەن.
عەبدولحەمید وە ئاژانس شەفەق نیوز وت، بەرزەوبۊن نرخەیلە لەئەنجام داواکاری فرەیگ ئەرا مادەیل خوەراکی دروس بوود، دیاریکرد ، مادەیل ئەمارکریاگەیل ناو ئەمارەیل هەولێر بەش شەش مانگ ئایندە کەێد.
بازاڕەیل ناوخوەیی عراق لەماوەی دو رووژ گوزەشتە بەرزەوبۊن لەناکاوە لە نرخەیلە وەخوەیەو دی، لەناویان مادەیل سەرەکی خواردن، لەناوراس بانگەشەی ئەوەگ وەرەونواچگن رۊیوەرۊبۊنەیل رووسیا و ئۆکرانیا گاریگەری ئابووری وە عراق دروسکردیە وەگەرد نزیک بۊن مانگ رەمەزان.
