وەفر دهۆک پووشێد و تیمەیل پاکەوکردن ریوبانەیل وازەوکەن
2024-01-27T12:35:47+00:00
شەفەق نیوز/ شمارەیگ لەناوچەیل پارێزگای دهۆک لەماوەی دویەشەو وەفر وارین نوویگ روی لەلی کردیە، ناوچەیل هاوسنوور وەرد تورکیا وە دیارکریاگی برواری باڵا گردیەسەو وەگەرد بڕیگ ناوچە لە قەزای ئامێدی کە وەفر فرەیگ لەلی واریە.
وەرپرس راگەیانن لە فەرمانگەی خاسەوکردن ریگەیلە لە دهۆک کەمال محەمەد، وە ئاژانس شەفەق نیوز وت، "تیمەیل وەفر پاکەوکردن دەسکردنە وە کارەیلیان لەساعەتەیل سەرەتای شەوەکی ئمڕوو و ریەیل سرەکی ناحیەی کانی ماسی پاک و وازیان کردنە.
وتیش؛ " دەروازەی سەرزێڕ هاوسنوور وەرد تورکیا وە درویژایی 30کیلومەتر، لەدویای ئەوەگ بەرزی وەفر وارنی رەسیە ناوەین 30 و 56سم دوارە وازەوکریا".
دووپاتکرد "تیمەیل پاکەوکردن هەمیش ری ناوەین دهۆک و قەزای ئامێدی پاک و وازکردنە" دیاریکرد تەقەڵاگان وەردەوەمن سەرەڕای کاریگەریەگان وەفر وارین، لەوەر ئاسانکاریکردن ئەرا هامشوکردن و دەستەوەرکردن سەلامەتی هاوڵاتیەیل".
