ئەرا دویەم رووژ لەبانیەک وەفر ریەیلیگ لەناو دهۆک بڕێد و ئامێرەیل وەفرماڵین کەفنە ئامادەباشی
وەرپرس راگەیانن لە فەرمانگەی خاسەوکردن ریوبانەیل لە دهۆک، کەماڵ محمد، ئەرا ئاژانس شەفەق نیوز وت: تیمەیل ماڵین وەفر لە ئەوەم زویەو دەسکردنە کارەیل وازکردن ریەیل لە ناوچەیلیگ لە ناحیەی کانی ماسی باکوور پارێزگاگە.
دووپاتیش لە دووارە جویلەکردن هامشوو کرد لەبان ری مەرز سەرزێڕی سنووری وەرد تورکیا، کە لە ئەنجام واران بڕ فرەیگ لە وەفر بەسیا، و دیاری کرد کە کوڵفتی وەفرە کەڵەکەبویەگە رەسیە نزیکەی ٣٠ سانتیمەتر.
وتیش: ری کویەی کارە لەبان ناحیەی سەرسەنگ باکوور دهۆک واز کریا وە درویژی ٩ کێلومەتر لەبان ئی ریە وە زیاتر لە ٢٥ سانتیمەتر پاکەو کریا.
محمد وتیش؛ ناوچە سنووریەیل لەماوەی دوو رووژ گوزەشتە وەفر فرەیگ لەناویان واریە، کە هیشت وەکوتپڕ دەسبیەێدەوەر ئەرا وازکردن ریەیل و ئاسانکرد جویلەی هامشوو.
دویەکە پەنجشەممەیش کەمال محمد وەرپرس راگەیانن فەرمانگەگە ئەرا ئاژانس شەفەق نیوز وت: تیمەیل وەفرماڵین دەسکردنە پاکەوکردن ریەیل سەرەکی و کویچەیل لە ناحیەی کانی ماسی، دویای وارین بڕەیل فرەیگ لە وەفر لەناوچەگە.
