کوڵفتیی رەسیە ٢٥ سانتیمەتر.. وەفر ناوچەیل دهۆک پووشێد.. وینە
2023-01-29T09:37:57+00:00
شەفەق نیوز/ پارێزگای دهۆک لە هەرێم کوردستان، ئمڕوو یەکشەممە، وەفروارین خەسیگ لە چەن ناوچەیگ لە پارێزگاگە وەخوەی دی.
کەماڵ محمد وەرپرس راگەیانن فەرمانگەی ریوبان لە پارێزگای دهۆک، ئەرا ئاژانس شەفەق نیوز وت: بڕ فرەیگ لە وەفر واریە بان کویەی کارە و ناحیەی کانی ماسی و سەرزێر لە قەزای عمادیە باکوور دهۆک.
وتیش: بەرزترین ئاست لە ناوچەی سەرزێر واریە، ک کوڵفتیی رەسیە ٢٥ سانتیمەتر.
محمد دیاری کرد ک تیمەیل فەرمانگەگەی، هەر لە شەوەکی ئمڕوو دەسکردنە وازکردن رەیەیل سەرەکی، و هەمیش ئەو ریەیلە وەرەو ئاوایەیل ئی ناوچەیلە.
