لە نزیک دهۆک وەفر رەسێدە نزیکەی مەتریگ و تیمەیل وەفر ماڵین وەردەوامن لە پاکەوکردنی
2024-01-15T13:54:16+00:00
شەفەق نیوز/ فەرمانگەی خاسەوکردن ریوبان لە پارێزگای دهۆک، ئمڕوو دووشەممە، راگەیان کووشانەیل تیم وەفر ماڵین وەردەوامە لە پاکەوکردن ری سەرەکی ناحیەی کانی ماسی سنووری وەمدوو کەفتنە وەر کاریگەری ئەو شەپوول وەفر و واران وارینە لە ناوچەگە.
وەرپرس راگەیانن فەرمانگەگە کەمال محەمەد لە لێدوانیگ وە ئاژانس شەفەق نیوز وت، "تیمەیلمان تا ئیسە لەناوچەی سنووری کانی ماسی لە باکوور دهۆک کارکەن، گشت ریەیلە پاکەوکردنە فراوانیکردنە لەناوەین ناحیە و ئاوایەیل سەر وە خوەیوەگەرد ئەو ریە رەسێد ئەرا دەروازەێ سەرزێڕ هاوسنوور وەرد تورکیا.
دیاریکرد "ئاست وەفر لە ناحیەی کانی ماسی رەسیە ئەرا ناوەین 50 و 88 سانتیمەتر".
وەرپرس خاسەوکردن ری و بان لە دهۆک، "ئامێرەیل تایبەت وە فەرمانگەگە ئیرنگە کارکەن ئەرا وازکردن ری کوویەی گارە کەفێدە بان ناحیەی سەرسنگ باکوور دهۆک کە ئاست وەفر رەسیە ئەرا 140سانتیمەتر".
