وە بەشداریکردن زیاتر لە ٢٠٠ کۆمپانیا.. پێشانگەیگ ناودەوڵەتی ئەرا کەرەستەیل بینسازی لە هەولێر
شەفەق نیوز/ لە شار هەولێر پایتەخت هەرێم کوردستان، دەسکریا پێشانگای ناودەوڵەتی تایبەت وە کەرەستەیل بیناسازی وە بەشداریکردن ٢١٠ کۆمپانیای بیگانە و ناوخوەیی.
سەروەر هاوار جینشین وەزیر پیشەسازی و بازرگانی لە هەرێم کوردستان لە کۆنگرەیگ رووژنامەوانی لە پەرواز وازکردن پێشانگاگە وت: ئی پێشانگا ئەرا کەرەستەیل بیناسازی تایبەت کریاگە، و وەبەشداریکردن ١٢٠ دەوڵەت وەڕیەو چوود، ودیاری کرد ک ٣٠ کۆمپانیای هاوبەش ناوبەین عراق و هەرێم کوردستانیش لە ئاست ناوخوەیی بەشداری کەن.
وەگورەی قسەی وەرپرسەگە: کۆمپانیایل ١١ دەوڵەت لە پێشانگاگە بەشداری کەن، لەناویان؛ هندستان، تورکیا، چین، و میسر.
هاوار باس لە ئومید خوەی کرد ک ئەو کۆمپانیایلە ک نرخەیلیگ گونجیاگ دیرن، لقیان لە هەرێم کوردستان واز بکەن، تا دەسمیەتی لە زیایکردن دەرفەتەیل کار بیەن.
هەرلیوا، ئەو پێشانگا ک لە پێشانگای ناودەوڵەتی هەولێر سازیەێد، ئەرا سێ رووژ هەرلە ٢٤ تا ٢٧ ئایار وەردەوام بوود.
