سلێمانی ئامادەکاری ئەرا سازدان دوو پیشانگای ناودەوڵەتی لەی مانگە کەێد
شەفەق نیوز/ ژوور بازرگانی و پیشەسازی سلێمانی، ئمڕوو سێشەممە، تەواوبوین ئامادەکاریی ئەرا سازدان دوو پیشانگای ناودەوڵەتی راگەیان، یەکەمیان دەربارەی کشتوکاڵی وئەوەکە لە شیوەیل ئاوەدانکردن نوو.
یاسین رەحیم جیگر سەرۆک ژوورەگە لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئامادەکاریەیل ئەرا سازدان پیشانگای ناودەوڵەتی تایبەت وە بازرگانی کشتوکاڵی لە سلێمانی تەواو بوین، ک سوو چوارشەمە وە بەشداریکردن ١٠٠ کۆمپانیای جەهانی وهەرێمی دەسوەپی کەێد.
وتیش: پیشانگاگە ئەوەسا کار لەبان داناین بەرنامەی گشەکردن کەرت کشتوکاڵی لە هەرێم وەگشتی و پارێزگاری سلێمانی وەتایبەت کەێد.
دویەم پیشانگاگەیش، رەحیم دووپات کرد ک ئەوەسا لەبان زەوی پیشانگایل لە تاسلووجە کریەێد، لە ٢٧ تا ٣٠ ئەیلوول، ئەوەیش لە شیوەیل ئاوەدانکردن نووە، وە بەشداریکردن بڕ فرەیگ لە دەوڵەتەیل هەرێمی و بیگانە وعەرەو.
وتیش: ئیران ئەوەسا وە ئاست ٥٠% لە کۆمپانیایل ناو هەردوگ پیشانگاگە بەشداری کەێد، وتیش: ئەو پیشانگایلە ئامانجیان وەردەوامیە لە کار گەشەکردن و بەرهەمهاوردن لە هەرێم کوردستان لە گشت کەرتەیل، و هەمیش ئەوەسا سوود لە ئەزموون کۆمپانیایل جەهانی گریەێد، ئەرا دەڵەکدان چەرخ گەشەکردن لە هەرێم کوردستان.
