هووشدارییگ لە پلانیگ «نەتەوەیی» ئەرا وەپشتگووشخستن کورد لە جەلەولا
شەفەق نیوز/ یەکێتی نیشتمانی کوردستان لە دیالە، ئمڕوو چوارشەممە، هووشداری لەپلانەیلیگ نەتەوەیی بەرنامەداریگ ئەرا وەپشتگووشخستن کورد لەلایەن ئیداری و ئەمنی لە ناحیەی جەلەولا کرد.
خەلیل خوداداد وەرپرس لق رێکخستن یەکێتی نیشتمانی کوردستان لە جەلەولا ئەرا ئاژانس شەفەق نیوز دیاری کرد ک گشت فەرمانگەیل جەلەولا وەبی کوردن، و شایستەی هەڵبژاردن یا نەتەوەیی یا دانیشتوی خوەمان لەروی ئیداری و ئەمنی لە جەلەولا و گشت کەرتە ئیدارەییەکان نەوردیمن.
خوداداد وتیش؛ زنجیرەی ئامانجکردن و وەپشتگووشخستن کورد لە جەلەولا و گشت ناوچە دابڕیایەکان وەردەوامە، و هەمیش کەمەوبوین دانیشتوەیل کورد وەشیوەی گەورایگ لە جەلەولا.
و دیاری کرد ک ٣٨٠٠ خیزان کورد لە ماوەیل ناونی ٢٠٠٣ تا ٢٠٠٨ بار کردن، ئیجا ژمارەگە ئەرا زیاتر لە ٧٠٠٠ خیزان کورد بەرزو بوی ک چگن وەرەو کوردستان و ناوچەیلیگ تر لەوەر ئامانج کردن نەتەوەیی و تیرۆری وە تەقینەوە و کوشتن رێکخریاگ و کوشتن وەشیوەیل جووراجوربگ، ک خوەی زەنجیرەی رخبەریگە کورد لە جەلەولا کەفتیادە وەری، دویای زاڵەوبوین هەناسە مەزهەوی و نەتەوەییەکان لە ناحیەگە.
دەربارەی شایستەی ئیداری کورد لە ناوچە دابڕیایەکان، خوداداد وت: ئیدارەی جەلەولا لە شایستەی کوردە، و وەڕێۆبەر عەرویگ جوور نۆێنەریگ ئەرا یەکێتی دانان، بەڵکم جەنگ سکاڵایل دادوەری لە پشت ریفراندۆم سەروەخوەییەگەی هەرێم کوردستان و توومەتبارکردن یەعقوب لهێبی وەڕێۆبەر جەلەولا و چەن ئەندام و وەرپرسیگ کورد وە ماڵین ئاوایەیلیگ عەرەی دویای رزگارکردن لە داعش، هەرچەن کارەگە فرە گەورەترە لەوە ک هەر وەرپرسیگ لە جەلەولا جیویجیی بکەێد.
لە کۆتایی قسەیلی وت: سکاڵایل و بڕیارەیل دەسگیرکردن هاندەرەیلیگ سیاسی هانە پشتیان، خوازین وەو شیوە کوردەیل لە جەلەولا دەر بکەن، و ململانە سیاسییەکان و گرفتە ئیدارەییەکان بیلن، و لە خود ئەو وەختە ک شارەکە زیان لە ویرانی جەنگەگە و نەوین خزمەتگوزارییەکان وەخوەی دوینێد.
