هاتوچو هەولێر هوشداری دەێد لە گرێبەس ئەلکرۆنی ئەرا سەنین و فرووشتن ماشین لەبان جادە
2023-11-05T12:36:31+00:00
شەفەق نیوز/ وەڕیوبەرایەتی هاتوچو گشتی لە پارێزگای هەولێر پایتەخت هەرێم کوردستان، ئمڕوو یەکشەممە، هوشداری دا وە هاوڵاتیەیل دویرەو بکەفن لە گرێبەست ئەلکترۆنی سەنین و فروشتن ماشینەیل کە لەبان جادەیل بڵاوبویە، فرەیگیان ساختەن هویچ بنەمایگ یاسایی نەێرن.
لە بەیاننامەیگ وەڕیوبەرایەتیەگە هاتییە، " داوا لە گشت هاوڵاتیەیل و رانندەیل بسین و فرووشەیل گشت جویرەیل ماشین کەێمن، مەوقەی گرێبەستگ سەنین و فرووشتن وە هویچ جویریگ لە جویرەیل باوەڕ وە گرێبەس ئەلکترۆنی بان جادەیل نەکەن".
وتیش، " گرێبەسەیل لەناو پیشانگای ماشینەیل یان کۆمپانیایەیل بکرێد، وە پیچەوانەی ئەوە هەر گرێبەسیگ لە جادە توومارکریابوود وە ساختە و بی بنەما دریەێدە قەڵەم، لە مەوقەی توومارکردن ماشین لە وەڕیوبەرایەتی گشتی هاتووچوو پشت وەپی نیەوەسیەێد".
