خەفتن رانندیگ بوودە هووکار رویداویگ هاتوچو لە هەولێر
2022-07-05T08:09:15+00:00
شەفەق نیوز/ “خەفت قوورتارکەر لەشە لە ژەهر، و گلەوداین تەندروسیە ئەرا لەش، باوجی لەمەوقی رانین چشتیگترە" یە وتەی قسەکەر هاتوچوی هەولێرە لەباوەت رویداویگ هاتوچو ک لەوەر خەو لێکەفتن رانندیگ رویدایە.
فازل حاجی قسەکەر هاتوچو هەولێر راگەیان، لە ساعات ٥ شەفەق ئمڕوو لەبان جادەی ٦۰ مەتری شار هەولێر لە نزیک وەزارەت پیشەسازی و وزە، ماشین نیسان تایبەتیگ لەوەر بی ئاگایی لەجادە دەرچگە، خوەی کیشایە وەفسفۆرو شۆستەی جیاكەرەوەی دەروازەی شەقام برایەتی وەبان جادەی ٦۰ مەتری ، دویای ئەوە خوەی كیشایە وە ستوین هێماگان هاتووچو وكارەبا ئیجا وسیایە.
وتیش؛ دەرئەنجام کارەگە زەرەد گیانی گەپیگ نەوی، باوجی زەرەد مادی فرەیگ کەفتەو، لەوەخت پرسینەوە وەگەرد راننەندەگە راگەیانیە چوینکە ئەوەی خەوی بردیە ئاگای لە جادەو دەوروبەر نەمایە و تویش ئەو رویداوە بویە.
