هەولێر وازکربوین پیەڵیگ سەرەکی وەگەرد ئەو پارێزگایەیلتر راگەیان

شەفەق نیوز/ وەڕێەوبەرایەتی هاتوچوی پارێزگای هەولێر پایتەخت هەرێم کوردستان، ئمڕوو سێشەممە، وازکردن ری سەرەکەند (هەولێر-کەرکوک) راگەیان ئەرا هاتوچو کردن لەدویای خاسەوکردنی. 

وەڕێەوبەرایەتیەگە لە بەیاننامیگ رەسیە ئاژانس شەفەق نیوز باسکرد، " ئاگادار رانندەیل و هاوڵاتیەیل شار هەولێر کەێمن ک رێ سەرەکی (هەولێر- کەرکوک) پیەڵ(سەرکەند) وازکریا لەوەردەم هاتوچوی ماشینەیل، لە ئمڕووە توەنن وەکاری بارن. 

وەڕێەوبەرایەتیەگە وت،" لەباوەت بارهەڵگرەیل، رێیەگە وە بەسیایی مینێد تا هەفتەیگتر، لەی ماوە بارهەڵگرەیل توەنن رێ 120 مەتری لە جادەگە وەکار بارن".