هەولێر.. گومان لە یەکەم تویشهاتن وە تەو خۊنوەربۊن لەلای مناڵ کوورپەیگ

شەفەق نیوز/ وەڕێەوبەرایەتی تەندروسی گشتی لە هەولێر پایتەخت هەرێم کوردستان، ئمڕوو شەممە، توومارکردن یەکەم گومان لە تویشهاتن وە تەو خۊنوەربۊن لەلای مناڵیگ کوورپە راگەیان.   

دلۆڤان محمد وەڕێەوبەر تەندروسی هەولێر لە وتاریگ رووژنامەوانی وت: خەسەخانەی زاڕووەیل، ئمڕوو، مناڵیگ وە تەمەن دوو ساڵ و نیم وەرگرد، گومان لە تویشهاتنی وە بیماری تەو خۊنوەربۊن هەس، و دیاری کرد ک پزشکەیل خەسەخانەی ڕاپەڕین ئەرا زاڕووەیل گومان لە تویشهاتن مناڵەگە وە بیماریەگە کردن، و نموونەی خوین لەلی بردن و ئەرا تاقیگەی گشتی کلی کردن.    

وەزارەت تەندروسی عراق، دویەکە جمعە، توومارکردن ٨ مردن و زیاتر لە ٤٠ بیمار وە تەو خۊنوەربۊن لە گشت پارێزگایل راگەیان،  نیمیگیان لە پارێزگای زیقارە.