هەولێر بەرزەوکردن نرخ نان یا دەسکاری لە شیوە و بڕەگەی رەت کەێد
شەفەق نیوز/ نەبەز عەبدولحەمید قایمقام پارێزگای هەولێر پایتەخت هەرێم کوردستان، ئمڕوو چوارشەممە، دووپات کرد لە کاریگەری داوەزین ئەرزش دینار وەرانەوەر دۆلار لەبان نرخەیل چشتەگان وخواردومەنی، بەڵکم لە خود وەختەگە هووشداری نانەواخانەگان کرد لە دەسکاری بڕ و شیوەی نانەگە یا بەرزەوکردن نرخەگەی.
عەبدولحەمید لە کۆنگرەیگ رۆژنامەوانی ئمڕوو وت: نرخەیل فرە لە چشتەگان بەرزەو بوی، و خاوەن نانەواخانەگان تەقەلای بەرزکردن نرخەگان کردن، وەلی نان خوەی خواردەمەنی سەرەکیە ئەرا گشت هاووڵاتیەگان و لە گشت چینەگان، ئەراوە ئی باوەتە لەلای ئیمە تایبەتمەندی خوەی دیرێد.
هەمیش وت؛ چەن کۆبونەوەیگ وەگەرد ئەنجومەن نانەواخانەگان لە هەولێر کردیمن، و ئاگاداریان کردیمن ک ئیمە بەرزەوکردن نرخەگان رەت کەیمن، و ئاماژە کرد ک دەسەیل قایمقامیەت لە نزیکەو چەودیری کار نانەواخانەگان کەن ئەرا نواگردن هەر بەرزەوکردنیگ لە نرخەگان یا کەمەوکردن کیش نانەگە.
عەبدولحەمید وتیش؛ ئیدارەی خۆجێی پشتگیری و ئاسانکاری جوور گاز و ئەو چشتەگان تر ئەرایان پێشکەش کەێد، تا بتوێەنن لە کار خوەیان وەردەوام بوون.
