هەلقوڵان نوویگ لە تۊشهاتنەیل کۆرۆنا لە هەرێم کوردستان

هەلقوڵان نوویگ لە تۊشهاتنەیل کۆرۆنا لە هەرێم کوردستان
2022-01-18T16:31:32+00:00

شەفەق نیوز/ شمارەیل وەزارەت تەندروسی لە حکومەت هەرێم کوردستان، ئمڕوو سێشەممە،  بەرزەوبۊین وەرچەویگ لە تۊشهاتنەیل ڤایرۆس کۆڕۆنا لە هەرێم کوردستان وە ماوەی ٢٤ سەعات گوزەشتە نشان دان.    

وەزارەتەگە لە بەیاننامەیگ رەسیە ئاژانس شەفەق نیوز وت: تاقیگەیلی وە ماوەی ٢٤ سەعات گوزەشتە ٦٤٧٣ وەشکین ئەنجام دانە،  لەناویان تۊشهاتن ١٥٢٠ کەس نوو وە ڤایرۆسەگە ئاشکرا بۊیە.  

بەیاننامەگە وتیش: لە خود ماوەگە ١٤٠ بیمار لە پەتاگە خاسەو بۊین،  وەرانوەر مردن ٥ بیمار وە ڤایرۆسەگە لە گشت ناوچەیل هەرێم کوردستان.   

بەیاننامەی وەزارەتەگە باس شمارەی ئەو کەسەیلە کرد ک وەماوەی بڵاوبۊین پەتاگە لە هەرێم کوردستان کەرەنتین کریانە رەسیەسە ٢١٨٧١ کەس، و تاقیگەیل وەزارەتەگە ٣٧٥٠٢٤٥ وەشکین ئەنجام دانە، لەناویان تۊشهاتن ٣٩١٤٢١ کەس وە ڤایرۆسەگە ئاشکرا بۊیە،  ٣٧٤٠٩٩ بیمار لەلیان خاسەو بۊینە،  و ٧١٧١ مردنە.   

Shafaq Live
Shafaq Live