هەرێم کوردستان: هاوردەی کەهرەبا لە تورکیا خەرج بەرهەمکرن وزە کەمەو کەێد
شەفەق نیوز/ کەمال محمد وەزیر کەهرەبا لە هەرێم کوردستان، ئمڕوو سێشەممە، وت: ئەو گریەبەسیە ک حکومەت هەرێم وەگەرد تورکیا ئەرا هاوردەی ١٥٠ میگاوات لە کەهرەبا واژووی کرد، ئەوەسا لە خەرجە داراییەگان لە بەرهەمکردن وزەی ناوخۆیی کەمەو کەێد.
ئەوەیش لە وتاریگ ئەرا رووژنامەنووسەیل هات لە کردنەوەی سێ پڕۆزەی بەرهەمکردن کەهرەبا لە هەولێر پایتەخت هەرێم.
محمد وتیش؛ وەزارەتەگە لە ١٢ تا ١٤ ساعەت کەهرەبا دەێدە دانیشتوەیل، و ئاماژە کرد ک گریەبەسی ئەرا سەنین ١٥٠ میگاوات لە وزە لە دەوڵەت تورکیا واژوو کریا، لەوەر کەمی سوتەمەنیەگان ئەرا ویستگەی دهۆک.
وەزیرەگە دیاری کرد ک ئەگەر گازۆێل بیریەێدە ویستگەگە، خەرجەگەی فرە گرانەو بووک، و جوور نموونەیگ ئەرا ئەوە، ک ئەرا بەرهەمکردن ١٥٠ میگاوات لە کەهرەبا، خەرج مانگانەی رەسێدە ١٦ مەلیۆن دۆلار، و ئی پویلە لە دووقات نرخ گریەبەسیەگە گرانترە.
