هەرێم کوردستان: توانای بەرهەمکردن ٦٥٠٠ میگاوات لە کەهرەبا دیریمن
2021-01-26T08:40:09+00:00
شەفەق نیوز/کەمال محمد وەزیر کەهرەبا لە هەرێم کوردستان، ئمڕوو سێشەممە، دووپات کرد ک وەزارەتەگەی توانای بەرهەمکردن نزیکەی ٦٥٠٠ میگاوات لە وزەی کەهرەبا دیرێد ئەگەر سووتەمەنی وەگورەی ئەو وەکارخستنە دابین بوود.
محمد لە کۆنگرەیگ رۆژنامەوانی وەگەرد هێمن قادر جینشین پارێزگار هەولێر لە کردنەوەی ویستگەی کەهرەبایی (مۆبایل) لە ناوچەی شەمامەک وت: ئەگەر سووتەمەنی دابین بوود، هەرێم کوردستان توانای بەرهەمکردن ٦٥٠٠ میگاوات دیرێد، وتیش؛ ئیسە دەور ٣٥٠٠ تا ٣٦٠٠ میگاوات بەرهەم کەێد.
لە پرسیاریگ دەربارەی کەمەوبوین ساعەتەیل دابەشکرن کەهرەبا لە هەرێم، وەزیرەگە وت: ئەوە لەوەر زیایبوین وەکارهاوردن وزە وەگەرد داوەزین پلەی گەرمی تیەێد، بەڵکم دووپات لە بەرزەوبوین رێژەی بەرهەمکردنەگە کرد.
محمد وتیش؛ باوەت دابینکردن سووتەمەنیەگان کەفێدە گەردن وەزارەت سامانە سرووشتیەگان، و ئیسە وەگەردیان ئەرا دابینکردنی کار کەیمن.
