شاریگ لە هەرێم کوردستان داوای کەهرەبا لە ئیرانەو کەێد

شەفەق نیوز/ زانا رەحمان قایمقام قەزای پێنجوێن سەروە پارێزگای سلێمانی، ئمڕوو جمعە، داوای باسکردن وەگەرد لایەن ئیرانی کرد تا کەهرەبا بەێدە قەزاگە ئەرا پڕەوکردن ئەو کەمەوبوینە لە ساعەتەیل کەهربا داین.

رەحمان لە بەیاننامەیگ ئمڕوو وت: لەماوەی رووژەیل گوزەیشتە قەزاگە کەفتە وەر بڕین کەهرەبا ئەرا چەن ساعەتیگ، و ئیدارەی پێنجوێن و لەڕی لایەنە پەیوەندیدارەگان خەوەردار حکومەت هەرێم کرد چارەسەر ئی گرفتە بکەێد.

وتیش؛ بڕیارە ئمڕوو دابەشکردن وەزەگە ئەرا قەزاگە جوور جاران باێدەو، و نەوڕیەێد لەو ساعەتەیلە ک بڕین وەخوەی دی، تا ئەوەنە ئەنجومەن وەزیران هەرێم دانیشتنیگ تایبەت وەی گرفتە بکەێد.

رەحمان وتیش؛ ئیدارەی پێنجوێن داوکرد دابەشکرنەگە جوور جاران بمینێد، و کەهرەبا لە دەوڵەت ئیرانەوە باێدە قەزاگە.