ئیران راگەینێد هاتنەوەی چالاکی لە بازاڕیگ سنوری وەگەرد هەرێم کوردستان

شەفەق نیوز/ شەهرەیار حەیدەری نوینەر  خەڵک قەسر شیرین ئیرانی، ئمڕوو چوارشەممە، راگەیان وەی نزیکە هاتنەوەی چالاکیەگان بازاڕ ''تیلە کوه'' سنوری وەل هەرێم کوردستان عراق.

میدیا ئیرانیەگان لە زوان حەیدەری وتن: دەسەڵاتەیل هەرێم کوردستان رەزامەنی خوەیان راگەیانن لە هاتنەوەی چالاکی بازاڕ تیلە کوەی سنوری.

وتیش؛ ئەوەسا هەناردەی چشتە ئیرانیەگان لە ری مەرزە سنوریەگە لە قەزای سەرپڵ زەهاو وەی نزیکە تیەێدەو، وەگورەی رێککەفتنیگ ناوبەین هەردووگلاگە.

حەیدەری وتیش: بینا ژیرزەمینەگان ئەرا هاتنەوەی کار ئی بازاڕ سنوریە دروسکریاگە، بەڵکم چەن کەمییگ هەس، وئەوەسا پارێزگای کوردستان لە ئیران هەڵمەتیگ ئەرا چارەسەرکردنی کەێد.