کەهرەبا خەرج شایستەیل ٦ مانگ کەێد ئەرا گریەبەسیەگان
شەفەق نیوز/ کۆمپانیای گشتی بەرهەمکاری کەهرەبا لە ناوچەی ناوڕاس، ئمڕوو چوارشەممە، راگەیان خەرجکردن شایستەیل مووچەی گریەبەسی ورووژانە کارەیل لە کۆمپانیاگە ئەرا ساڵ ٢٠١٩ ، وهەمیش ئاماژەکرد ک دوویەم چینەگە لە مووچەگان لە هەفتەی ئایندە خەرج کریەێد.
سەڵاح خالدی ئەندام کۆمپانیاگە ئەرا ئاژانس شەفەق نیوز وت: کۆمپانیای بەرهەمکاری لە ناوچەی ناوڕاس، لەرووژەیل سێشەممە وچوارشەممە لەی هەفتە، دەسکردە خەرجکردن مووچەی گریەبەسەگان ورووژ کارەگان ئەرا مانگ ئاب وئەیکوول ساڵ گوزەیشتە ٢٠١٩ ، وئاماژەکرد ک فەرمانبەرەیل گریەبەسی ورووژ کارەیل شایستەیل مانگ تەشرین دوویەم وکانون یەکەم لە وەختیگ گوزەیشتە وەرگردن.
وتیش؛ ئەوەسا کۆمپانیاگە لە رووژ یەکشەممە دەسکێدە جیگرکردن و خەرجکردن مووچەی فەرمانبەرەیل گریەبەسی ورووژ کارەیل لە کۆمپانیای بەرهەمکاری ئەرا مانگەیل کانون دوویەم وشوبات و ئادار ئەرا ساڵ ٢٠٢٠، وبڕ گشتی مووچەگان ئەرا شەش مانگ رەسێدە ٥٩ ملیار و ٩٤٣ مەلیۆن دینار.
خالدی دیاریکرد ک ژمارەی فەرمانبەرەیل گریەبەسی ورووژ کارەیل لە کۆمپانیاگە رەسێدە ٣٣ هەزار و٩١٠ فەرمانبەر.
