هەڵەبجە وەبی پاکەوکردنە
شەفەق نیوز/ کریکارەیل کۆمپانیای پاکەوکردن "بیفان" لە هەڵەبجە لەوەر دیرکەفتن مووچەیان ئەرا ماوەی دوو مانگ بایکۆت کار کردن.
کریکارەیل یە دوو مانگە مووچە نەگردنە، وتن: ئامادە نیین وە گیرفان چووڵ کار بکەن.
دڵشاد عەزیز کریکار پاکەوکردنە، ئەرا پەیامنێر ئاژانس شەفەق نيوز وت: کوڕەیلم خوەنەوار زانکۆن، و ٢٠٠ هەزار دینار ئەرا خەرجیان خوازن، و یەیش نزیک ٢٠٠ هەزار دینار لە مووچەی ٣٠٠ هەزاریم بڕێد، و تەنێا ١٠٠ هەزار لەلی مینێد.
نیەزانم چە وەی پویلە بکەم ک لە مووچەگە مەنیە، بیەمەی نەفت یا کارەبا یا ئاو؟.
کریکاریگتر وت: یە دوو مانگە مووچە نەگردیمنە، و مووچەیان جاران ٣٥٠ هەزار دینار بوی، وئیسە بویە ٣٠٥ هەزار دینار، ک یە کاریگ هەرگیز دڵخوەشکەر نییە، چوینکە مانگ وەمانگ ئەرامان نیەڕەسێد.
وەرپرسەیل کۆمپانیاگە رازی نەوین قسەیگ لەی باوەتە بکەن، و ئەرا کریکارەیل وتن: حکومەت پویل وەپیمان نیەێد، و ئیمەیش نیەتوەنیمن مووچەیلدان بیەیمن.
