ناوچەیگ کوردستانی پەیمان پێشکەشکردن خاسترین خزمەتگوزاری ئەرا ناوچەیل دابڕیای دەێد
شەفەق نیوز/ جەلال شێخ نووری سەرپەرشتیار لەبان ئیدارەی گەرمیان، ئمڕوو پەنجشەممە، دووپات لە گرنگی پێشکەشکردن خاسترین خزمەتگوزاریەیل ئەرا خەڵک ناوچە دابڕیایل سەروە ناوچەگە کرد، و دیاری کرد ک دەرەیل حکومەت هەرێم کوردستان ئەرا باسکردن لە داوایل خەڵک ئی ناوچەیلە وازە.
شێخ نووری لە کۆنگرەیگ رووژنامەوانی ئاژانس شەفەق نیوز ئامادەی بۊ وت: لە ئەرک حکومەت هەرێم کوردستانە خاسترین خزمەتگوزاری ئەرا هاووڵاتیەیل ناوچەیل گەرمەسێر ک دابڕیانە هەکاتی ئەو ناوچەیل گەرمیان پێشکەش بکەید، لە دەسنشانیگ ئەرا بڕ ئەو قوربانیەیلە ک خەڵک ئەو ناوچەیلە لە ساڵەیل گوزەشتە پێشکەش کردنە.
شێخ نووری وتیش: حکومەت هەرێم لە ماوەی وەرجە رۊداوەیل شانزەی ئوکتۆبەر ٢٠١٧ وەشیوەی خاسیگ لەو ناوچەیلە کار کرد، باوجی لەوەر رەوش سیاسی و ئەمنی و دارایی ک لەپشت ئەوە هات، دامەزراوەیل هەرێم توانای پێشکەشکردن خزمەتگوزاری جۊر جاران نەیاشتن.
شێخ نووری دیاری کرد ک حکومەت هەرێم کوردستان پابەندە وە پێشکەشکردن ئەوەگ نەتۊنست لەو ناوچەیلە بکەێدەی، لە باوەڕیی ک ئەوانە ناوچەیل کوردستانیین، و خەڵکەیلیان وەخاتر خاک کوردستان قوربانی دانە، و ئەوەسا دەرەیلمان لەڕۊ داوایل خەڵک ئەو ناوچەیلە واز مینن.
