لە دوو ناوچەی هەرێم کوردستان زیاتر لە ١٢٠ کەس بوینەسە قوربانی رووداوەگان
شەفەق نیوز/ وەڕێۆبەرایەتی هەردوگ ئیدارەی گەرمیان و راپەڕین لە هەرێم کوردستان، ئمڕوو یەکشەممە، راگەیانن مردن زیاتر لە ١٢٠ کەس و ژنیش هاناویان، وە رووداوەیلیگ جووراجور لە ساڵ ٢٠٢٠.
موقەدەم عەلی جەمال قەدوری قسەکەر وەناو پۆلیس گەرمیان لە کۆنگرەیگ رۆژنامەوانی ئمڕوو باس لە ئامار رووداوەیل ساڵ گوزەیشتە کرد.
موقەدەمەگە لە کۆنگرەگە وت: وەڕێۆبەرایەتی پۆلیس ١٩ کوشتن تۆمار کردگە و گشت قوربانیەگانیان پیاون، و ئاماژە کرد لە خوەیکوشتن ٦ کەس.
و ئاماژە کرد لە تۆمارکردن ٨ کوشتن وەزانایی نەوین، و ٢٦ رفانن، و وتیش؛ کوشتن و خوەیکوشتنەگان لە ساڵ ٢٠٢٠ فرەتر لە ساڵ ٢٠١٩ بوین.
لەلای خوەییش، رائید شۆڕش ئیسماعیل قسەکەر وەناو پۆلیس راپەڕین لە کۆنگرەیگ رۆژنامەوانی ئمڕوو وت: ٢٦ کەس وە رووداوەیلیگ جووراجور لە ناوچەگە مردن، ٢٨ کەس لەلیان وە رووداوەیل هاتووچو ٢١ پیاو و ٧ ژن.
و٣ ژن لە رووداوەیل سزانن مردن، و دوو ژن خوەیان سزانن.
ئیسماعیل ئاماژە کرد ک ٧ کەس وە خنکانن مردنە، ٤ پیاو و ٣ ژن، و ٤ پیاو وە کەهرەبا مردنە.
وتیش؛ ١٦ کوشتن تۆمار کریاگە گشتیان پیاون، و ئاماژە کرد ک خوەیکوشتنەگان ١٣ کەس بوین ١١ پیاو و دوو ژن.
و ١٥ کەس تر وە رووداوەیلیگ جووراجور مردن، ١٣ پیاو و دوو ژن.
