ناوچەیگ لە هەرێم کوردستان ٣٥٠ مەلیۆن دینار ئەرا زەرەرمەنەیل لافاو هەولێر گردەو کەێد

شەفەق نیوز/ ئیدارەی ناوچەی سۆران لە هەرێم کوردستان، ئمڕوو سێشەممە،  زیاتر لە ٣٥٠ مەلیۆن دینار عراقی داگە دەس حکومەت خۆجێی لە پارێزگای هەولێر، ئەوەیش لە گردەوکردن هاوکاری ئەرا زەرەرمەنەیل لافاو دۊیایین هەولێر لە خەڵک ناوچەگە.          

ئەوەیش لە پیشوازیکردن هەڵگورد شێخ نەجیب سەرۆک ئیدارەی ناوچەگە لە ئومێد خۆشناو پارێزگار هەولێر لە سەردانی ئەرا سۆران. 

ئیدارەی ناوچەگە لە بەیاننامەیگ وت: شێخ نەجیب ئەو پۊلە ک لەناو سنوور ئیدارەی ناوچەی سۆران گردەو کریا ئەرا زەرەرمەنەیل لافاوەگەی هەولێر دادەس خۆشناو.       

لەلای خوەییش،  پارێزگار هەولێر سوپاس لە ئیدارەی سۆران و خەڵکەگەی کرد و وت: فرە سوپاس ئەوە کەیمن جۊر پشتگیریکردنی هەسی وەگەرد پشتگیریکردن داراییش.