نێچیروان بارزانی: کۆڵ نیەێمن تا رەسمینە چارەسەر گشت گرفتەیل ناوەین بەغداد و کوردستان
بارزانی لە وتاریگ لە کۆڕبەن چوارەم ئاشتی و ئاسایش لە خوەرهەڵات ناوڕاس کە لە دهۆک سازدریا راگەیان: "کریا بیس ساڵ سەروەخوەیی عراق فرە خاستر بویاتاد ئەگەر دەستور سیستەم فیدراڵی لە عراق جیوەجی بکریاتاد. جیوەجی نەکردن دەستوور و فیدرالی هەمیشە هووکار ناسەقامگیری بویە لە عراق.
وتیش "چارەسەر ئەرا عراق گلەوخواردنە ئەرا پرەنسیپەیل هاوبەشیکردن و سازش و هاوسەنگیە کە عراق نوو لەبانی بنیاد نریاگە، بایەسە دەسەبژێری سیاسی عراق گلەوبخوەێد ئەرا ئێ ئاراستە".
بارزانی دووپاتکرد " تا ئیسە ئەنجام گفتوگویەیل ناوەین هەولێر و بەغداد لە ئاست خواست و چەوەڕێکردن هەرێم کوردستان نییە، باوجی لەو باوەڕێمن وەردەوام بوین لە گفتوگوکردن تەنیا هێز دروسیگە، ئیمە کۆڵ نیەیمن رەسیمنە پەیاکردن چارەسەریگ ئەرا گشت گرفتەیل.
دووپاتکرد "عراق لەبان بنەمای رێککەفتن بونیادنریاس بایەد گلەوبخوەێد ئەرا ئێ پرەنسیپە کە بناغەی دەستوور و بنیاد عراق نوو لەبانی نریاگە، ئەگەر سیاسیەیل وەپای دەستوور ری بکەن رەسنە چارەسەرکردن گشت گیچەلەیل عراق".
بارزانی دووپاتکرد، فەرمانبەرەیل هەرێم لە بارودۆخ ئابووریبەدیگ گوزەران کەن، هەوەجە کەێد چارەسەر گیچەڵەیل ئابووری ناوەین بەغداد و هەولێر بکرێد، هەمیش بایەد چارەسەر خێرایگ و ریشەیی ئەرا ئەوەگ دابنریەێد کە هاوڵاتیەیل کوردستان وەدەسی ناڵن.
