نێچیروان بارزانی پێشوازی لە تونجەر باکرهان کەێد: کوردستان پشتیوانی ئاشتی لە تورکیا کەێد
شەفەق نیوز - هەولێر
سەرۆک هەرێم کوردستان، نێچیروان بارزانی، ئمڕوو سێشەممە، پێشوازی کرد لە تونجەر باکرهان هاوسەرۆک پارت یەکسانی و دیموکراسی گەل "دەم پارتی" لە تورکیا، لە شار هەولێر، ئەرا باسکردن لە ئەوزەڵکردنەیل پرۆسەی ئاشتی لە تورکیا.
لە بەیاننامەیگ لە سەرۆکایەتی هەرێم کوردستان، کە رەسیە ئاژانس شەفەق نیوز وت: لە دیدارەگە پرۆسەی ئاشتی و دوایین ئەوزەڵکردنەل باس کریا، و هەردووگ لایەن دووپات لە بان گرنگی وەکارهاوردن ئێ دەرفەت مێژوویییە کردن ئەرا وەدەسهاوردن ئاشتی.
هەردووگ لایەن، وەپای بەیاننامەگە، دووپات لە بان هەوەجەی لەدەسنەدان ئێ دەرفەتە کردن، بیجگە لە گرنگی پشتیوانیکردن گشت لایەنەیل ئەرا ئێ پرۆسە.
لە لای خوەیەو، نێچیروان بارزانی، لە وەخت دیدارەگە، دووارە پشتیوانی خوەی ئەرا پرۆسەی ئاشتی دووپات کرد، و ئامادەیی هەرێم کوردستان نیشان دا ئەرا پیشکەشکردن گشت جورەیل دەسمیەتی هەوەجەکریاگ ئەرا سەرکەفتنی.
دیاریکرد لە گرنگی ئاشتی ئەرا ئاسایش و سەقامگیری تورکیا و تەواوی ناوچەگە.
لە لای خوەیشیەو، باکرهان دەستخوەشی و رێز خوەی ئەرا هەڵوێستەیل بارزانی و تەقەلایەیل وەردەوامی لە هاوکاریکردن پرۆسەی ئاشتی و پشتیوانیکردنی نیشاندا.
