نێچیروان بارزانی: رێککەفتن دووارە هەناردەکردن نەفت کوردستان گام گەورەیگە ئەرا چارەسەرکردن فراوان
ئەوەیش لە وتاریگ لەناو ئاهەنگ فەرمی لە ٤٢مین ساڵیاد دامەزریان ریخریاگ بەدر لە بەغداد هات.
سەرۆک نێچیروان بارزانی لە وتارەگەی وت: ئیرنگە وەختەگە گونجیاگە ئەرا هویرکردن وەو ئەنجامەیلە ک لە مەوقەی یەکێتیمان لە ماوەی وەرجە رمیان رژیم سەدام حسێن بکەیمن، وتیش: گشتمان لە سەرکەفتن هاوبەش بویمن، و گشتمان وەگورەی ئاست بەشداری وەرپرسایەتی لە هەڵە و نەرێنی کار سیاسی لە ماوەی ٢٠ ساڵ گوزەشتە هەڵگرێد.
وتیش: تا ئیسە بڕیگ یاسا دەرچگ ک بایەت بوی دەرچوود، ک ک سەرکەفتن عراق نوو مسۆگەر کەێد، و سیستەم فیدڕاڵی لەناوی چەسپنێد.
سەرۆک هەرێم کوردستان وتیش: عراق کەفێدە وەر سەختیەیل فرەیگ لە ناوخوەیی و هەرێمی، ئەراوە گرنگە گرفتەیل وە گیرهاتگ نەیلیمن، تا بتوەنیمن رویوەڕوی گرفت و سەختیەیل نوو بکەفیمن.
هەمیش وت: ئیمە لە هەرێم کوردستان، ئەوەسا لە گشت شیوەیل پاڵپشتیکردن ئەرا محمد شیاع سودانی سەرۆک وەزیرەیل وەردەوام بویمن، وتیش؛ رێککەفتن دووارە هەناردەکردن نەفت کوردستان گام گەورەیگە وەرەو چارەکردنیگ فراوان ئەرا ناکۆکیەیل.
بارزانی دەسخوەشی لە رۆڵ سەرۆک حکومەت فیدڕاڵی و سەرۆک وەزیرەیل هەرێم کوردستان و تیم حکومەتی هەردوگ لایەنەگە کرد.
نێچیروان بارزانی "چارەکردن عراقی" ئەرا گرفتەیل، وە خاسترین دادە قەڵەم، و وت: چارەسەرکردن عراقی سەرکەفێد، چوینکە کاریگ هاوبەش دیریمن، ک خوەی دەستوور عراقیە.
