راوێژکار نێچیروان بارزانی ئاشکرای دووارە هەناردەکردن نەفت کوردستان و مەوقەی سەردان ئەردوگان ئەرا عراق کەێد

مستەفا لە کۆنگرەیگ رووژنامەوانی کە ئمڕوو لە شار ئەنتاڵیا وەڕیەو چگ راگەیان: “لەباوەت دەسکردن وە هەناردەکردن نەفت هەرێم کوردستان جاریگ ترەک لە ری بەندەر جیهانەو، کۆمار تورکیا ئەرا ئەوە ئامادەس”.

 لە درویژەی قسەیلی وتیش: بەڵام ئی باوەتە زیاتر پەیوەندی وە بەغدا دیرێد، و "هەناێ هەولێر و بەغدا رەسینە رێککەفتن کۆتایی، پرۆسەی هەناردەکردن نەفت کوردستان دەسوەپی کەێد".

 لەباوەت سەردان هاتگ سەرۆک کۆمار تورکیا ئەرا عراق، مستەفا باس لەوە کرد کە بڕیارە سەرۆک ئەردۆغان دویای هەڵوژاردن شارەوانی تورکیا سەردان بەغدا و  هەولێریش بکەێد، وتیش: ئی سەردانە بوودە مدوویگ ئەرا قایمکردن پەیوەندییەیل وەرد عراق وە گشتی و هەرێم کوردستان وەتایبەتی.