نێچیروان بارزانی دووارە مکیس ئەرا گفتوگۆ لە هەولێر کەێد

نێچیروان بارزانی دووارە مکیس ئەرا گفتوگۆ لە هەولێر کەێد
2022-08-02T12:42:17+00:00

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، پشتگیریکردنی ئەرا هەڵمەت سەرۆک حکومەت فیدراڵی کرد، ئەرا ئەنجامدان گفتوگۆ ناوبەین لایەن و هیزەیل عراق، ئەرا پەیاکردن چارەیگ ئەرا ئی قەیران سیاسیە لە وڵاتەگە.   

سەرۆک هەرێم لە پۆستیگ لەبان تویتەر نویسان: لەوەختیگ مکیسمان ئەرا گفتوگۆی عراقی گشتگیر لە هەولێر دووارەو کەیمن، دووپات لە پشتگیریکردنمان ئەرا مکیسەگەی بەڕێز کازمی سەرۆک وەزیرەیل ئەرا گفتوگۆ ناوبەین لایەنەیل سیاسی عراق کەیمن ئەرا پەیاکردن دەرچینیگ لەی قەیران ئیسە و کارکردن وەیەکەو ئەرا رەسانن وڵاتەگە وەرەو هشکایی ئارام.  

و دووپات کرد ک عراق گفتوگۆ و لەیەکڕەسینەوە و وەرپرسایەتی هاوبەش ئەرا رزگارکردنی خوازێد.  

رووژ یەکشەممە، نێچیروان بارزانی سەرۆک هەرێم کوردستان، باس لە نیگەرانی خوەی کرد وەرانوەر رەوشەیل سیاسی دویایین ک وڵاتەگە وەخوەی دوینێد، لە خوەد وەختەگە داوا لە گشت لایەنەیل سیاسی کرد خوەیان بگرن و بچنە ناو گفتوگۆ راستەوخۆ ئەرا وەپشتسەرنان گرفتەیل، و دەرکردن عراق لەی رەوش ناسکە.   

Shafaq Live
Shafaq Live