نێچیروان بارزانی دویای دیدارەگەی وەرد ماکرۆن: پەیوەندییەیل هەرێم کوردستان وەگەرد فەرەنسا قویل و میژووییە
2023-11-03T13:05:29+00:00
شەفەق نیوز/ سەرۆک هەرێمی کوردستان، نێچیروان بارزانی، ئمڕوو جمعە، پەیوەندییەیل هەرێم کوردستان وەگەرد فەرەنسا وە “قویل و میژوویی” ناسان.
یەیش لە پۆستیگ لە ماڵپەڕ “X - Twitter” دویای دیدارەگەی وەگەرد ئیمانوێل ماکرۆن سەرۆک فەرەنسا لە کۆشک ئەلیزێه هات.
نێچیروان بارزانی سەرۆک هەرێم کوردستان راگەیان؛ "خوەڵشهاڵ بویم کە وەگەرد هاوڕێی ئازیزم، سەرۆک ماکرۆن، لە پاریس گردەو بویم"، وتیش "وەگەرد فەرەنسا گفتوگۆ لەبان پەرەپێدان پەیوەندییەیل ناوەین عراق و هەرێم کوردستان و دوایین پیشهاتەیل عراق و ناوچەگە کردم".
وتیش: "پەیوەندییەیل هەرێم کوردستان وەگەرد فەرەنسا قویل و میژوویین، و بەڵگەی پابەندبوین هاوبەشمانە ئەرا ئاشتی و سەقامگیری و پیشکەفتن".
وەرجەیە، ئمڕوو، سەرۆک ماکرۆن لە کۆشک ئەلیزێە پیشوازی لە نێچیروان بارزانی سەرۆک هەرێم کوردستان کرد و گردەوبوین هاوبەش ئەنجامدا.
