نێچیروان بارزانی داوای گفتوگۆکردن و داناین ئارامی عراق لە پیشەکی کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، دووپات کرد ک چارەکردن گرفتەیل عراق تەنیا وە گفتوگۆکردن وە بەشداریکردن گشت لایەنەیل کریەێد.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان، ئمڕوو چوارشەممە، لە نویسینگەی لە هەولێر، پیشوازی لە فیلا فاریۆلا باڵیۆز یەکیەتی ئەوروپا لەلای عراق کرد، و لە دیدارەگە دووپات لە نیاز یەکیەتی ئەوروپا ئەرا فراوانکردن کاری لە هەرێم کوردستان و عراق کریا.
بارزانی دووپات کرد ک چارەسەر گرفتەیل عراق مەگەر وە گفتوگۆکردن وە بەشداریکردن گشت لایەنەیل کریەێد، ئەراوە بایەتە گشتیان ئارامی عراق بخەنە پیشەکی، و کار وە رەنجیان لەبان ئەوە بیەن.
لەلای خوەییش، فاریۆلا لە دیدارەگە دەسخوەشی لە تەقەلایل سەرۆک هەرێم کرد ئەرا گردەوکردن لایەنەیل سیاسی وەو هەڵمەتەیل سیاسییە.
لەلای خوەییش، بارزانی پیرووزبایی لە باڵیۆز نوو وە وەرگردن پۆستەگەی کرد، و دووپات لە گرنگی رۆل یەکیەتی ئەوروپا لە باوەتەیل ئازادی قسەکردن وماف مرۆڤ کرد.
