شانديگ لە شانشینەگە سەرسڕ بویە وە گەشەکردن هەرێم کوردستان.. نێچیروان بارزانی دەسخوەشی لە پەیوەندیەیل عراق و ئوردن کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: دویای نیمەڕو ئمڕوو، بارزانی پیشوازی لە ئەحمەد ئەلخەلایلە، جیگر یەکەم سەرۆکی پەرلەمان ئوردن و شاند یاوەری کرد، لە ناو دیدارەگە باس کارنامەی سەردان شاند ئوردن ئەرا بەغدا و هەولێر، و پەیوەندییەیل شانشین هاشمی ئوردن وەگەرد عراق کرد، وەتایبەتی پەیوەندییە میژووییەیلی وەگەرد هەرێم کوردستان، و شیوەیل بەرزکردن هاوکاری هاوبەش ناوەین هەردوگلا لە بوارەیل جیاجیا.
بارزانی ئی سەردانە وە "نیشانەی پاڵپشتی ئوردن ئەرا عراق و هەرێم کوردستان" زانست، ک وت: کوردستان پەیوەندییەیل ئوردن وەرد عێ
عراق وە "گرنگ زانێد و پاڵپشتیی کەێد".
بارزانی سوپاس و پیزانین هەرێم کوردستان نووەو کرد ئەرا پاڵپشتی شا عەبدولڵای دویەم و شانشین ئوردن ئەرا هەرێم کوردستان و عراق.
لەلای خوەییش هوەییش و بیجگە لە نشاندان سوپاس و پیزانین شاند میوان ئەرا رۆڵ هەرێم کوردستان لە شکستهاوردن داعش، شاندەگە سەرسڕمان خوەی لە پیشکەفتن هەرێم کوردستان نشان دا و دووپات لە پاڵپشتی وڵاتەگەی ئەرا عراق و هەرێم کوردستان کرد.
شاندەگە باس دەرفەتەیل هاوکاری هاوبەش ناوەین هەردوگلا کرد لە بوارەیل تەندروسی، گەشتوگوزار، رووشنهویری، پەروەردە و بازرگانی.
رەوش هەرێم کوردستان وەگشتی و بڕیگ باوەت خاوەن گرنگی هاوبەش باسەیل ناو ئەو دیدارە بوین کە جیگر یەکەم سەرۆک ئەنجومەن نوێنەرەیل عراق، موحسن مەندەلاوی ئامادەی بوی.
لەلاییگتر، سەرۆک هەرێم کوردستان، نێچیروان بارزانی، دەسخوەشی لە تەقەلایل فیلا فاریۆلا باڵیۆز دەستلەکارکیشای یەکێتی ئەوروپا لە عراق کرد لە باوەت چەسپانن پەیوەندییەیل یەکێتی ئەوروپا وەرد عراق و هەرێم کوردستان، و ئومید سەرکەفتنی لە ئەرکەیل هاتگی ئەرای خوازێد.
لەلای خوەییش فاریۆلا سوپاس سەرۆک نێچیروان بارزانی و لایەنە پەیوەندیدارەیل هەرێم کوردستان کرد ئەرا هاوکاری و پاڵپشتی لە ئەرکەیلی، و ئومێد خوازێد ئی هاوکارییە وە خود ئاست وەگەرد جینشینەگەی وەردەوام بوود.
رەوشەیل گشتی عراق و هەرێم کوردستان، باسەیل ناو ئەو دیدارە بوین.
