نێچیروان بارزانی و شا عەبدلڵا باس پەیوەندییەیل ناوەین عراق و ئوردن و دویاترین پیشهاتەیل ناوچەگە کەن

سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: پەرەسەنین گرژییەیل لە ناوچەی خوەرهەڵات ناوڕاس و فراوانبوین کاریگەری و دەرئەنجامەیلی کە مەترسی لەبان ئارامی و سەقامگیری ناوچەگە دروس کەێد، ئەراوە وە گرنگ زانن تەقەلا بین تا رەوشەگە لە گشت لایەنەیل ئارام بکەن.

وەگورەی بەیاننامەگە، هەردوگلا خواست خوەیان ئەرا پەرەپیدان پەیوەندییەیل و فراوانکردن هاوکاری هاوبەش نشان دان، و لەی باوەتە نێچیروان بارزانی سەرۆک هەرێم کوردستان دەسخوەشی لە پەیوەندییە درویژماوەیل شانشین ئوردن و بنەماڵەی هاشمی وەگەرد هەرێم کوردستان کرد.

 لەکۆتایی دیدارەگە باس لە رەوش عراق و ناوخوەی هەرێم کوردستان و مەترسییەیل تیرۆر لەبان هەرێم کریا.