مووشەک وارین لەبان قۆشتەپە لە هەولێر
2021-08-24T14:46:32+00:00
شەفەق نیوز/ وەرپرسیگ خۆجێیی، ئمڕوو سێشەممە، خەوەردا لە کەفتن مووشەکەیلیگ لەناو سنوور ناحیەی قۆشتەپە سەروە قەزای بەنسڵاوە لە باشوور خوەرئاوای پارێزگای هەولێر پایتەخت هەرێم کوردستان.. وەڕێۆبەر ناحیەی قۆشتەپە سەتار ئاغا ئەرا ئاژانس شەفەق نیوز وت: مووشەکەیل کاتیۆشا، وە وەشانن نەناسریایلیگ، کەفتنە ناوچەیل چووڵیگ لە نزیک چوار ئاوای لە ناحیەگە.
و دیاری کرد ک مووشەکەیلە کەفتنە دەورگرد ئاوایەیل دۆڵبەکرە و دۆڵزە و عەلیاوە و تەتراوە، وتیش؛ هێزەیل ئاسایش لێکۆڵینەوە لە رووداوەگە کەن.
عومەر مەزەنە کرد ک مووشەکەیلە لە قەزای دبس سەروە پارێزگای کەرکوک وەشیانە، و نشان دا ک هیچ زەخمدارییگ یا زەرەدەیلیگ دارایی لەوەر مووشەکەیلە نەکفتنە.
