بمبارانیگ مووشەکی لەبان کامپ عەین ئەسەد لە خوەرئاوای عراق
2021-05-04T13:02:05+00:00
شەفەق نیوز/ سەرچەوەیگ ئەمنی لە پارێزگای ئەنبار، خەوەردا ک کامپ ئاسمانی عەین ئەسەد کەفتە وەر بمبارانیگ مووشەکی.
سەرچەوەگە ئەرا ئاژانس شەفەق نیوز وت: دوو مووشەک کاتیۆشا وەرەو کامپ عەین ئەسەد وەشیان، لە کەرت وەرپرسایەتی لیوای ٢٩ لە سوپای عراق لە ناوچەی بەیادر لە باشوور کامپەگەو وەشیا، ک خوەی ناوچەیگ کشتوکاڵییە کەفێدە بان ریەگەی ناوبەین قەزای هیت و ناحیەی بەغدادی.
زانیاریە سەرەکیەکان نشان دان ک زەخمداری نەکەفتگە.
