یەک مردن و ٢٥ تووشهاتن وە کۆڕۆنا لە ناوچەیل ئیدارەی سەروەخوەیی
2021-01-11T14:29:28+00:00
شەفەق نیوز/ دەزگای تەندروسی لە ئیدارەی سەروەخوەیی لە باکوور و خوەرهەڵات سوریا، راگەیان تۆمارکردن ٢٥ تووشهاتن نوو وە ڤایڕۆس کۆڕۆنا لەناوچەیل ئیدارەی سەروەخوەیی.
جوان موستەفا هاوسەرۆک دەزگای تەندروسی لە ئیدارەی سەروەخوەیی لە بەیاننامەیگ رەسیە ئاژانس شەفەق نیوز وت: تووشهاتنەگان ١٢ پیاو و ١٣ ژن.
و ئاماژە کرد ک تووشهاتنە نووەگان وەیجوورە؛ حەسەکە ٥، قامیشلۆ ٣، دێریک ٥، کۆبانی ٣، ریقە ٤، تەبەقە ٣، مەنبج ١، شەهبا ١.
موستەفا وتیش؛ یەک مردن نوو تۆمار کریا و هەمیش ٥ خاسەوبوین، وەگورەی بەیاننامەگە.
ژمارەی تووشهاتنەگان وە ڤایڕۆس کۆڕۆنا لە ناوچەیل ئیدارەی سەروەخوەیی رەسیە ٨٢٥٢ لەلیان ٢٨٤ مردن، و ١١٦٣ خاسەوبوین.
