تۆمارکردن ٧٧ تووشهاتن و ٦ مردن نوو وە کۆڕۆنا لە ناوچەی خوەی وەڕێوبردن لە سوریا
2020-11-30T09:41:15+00:00
شەفەق نیوز/ تەندروسی خوەی وەڕێۆبردن کوردی راگەیان تۆمارکردن ٦ مردن و ٧٧ تووشهاتن نوو وە ڤایرۆس کۆڕۆنا لە باکوور و خوەرهەڵات سوریا.
دەزگای تەندروسیەگە لە بەیاننامەیگ لەبان ماڵپەر فەرمی خوەی نووسان: ٧٧ تووشهاتن نوو وە کۆڕۆنا تۆمار کرد، و دیاریکرد ک ٢٧ تووشهاتن لە پارێزگای حەسەکە تۆمار کریا، ٩ لەلیان لە شار حەسەکە و ٩ لە شار دیرک و ٧ لە شار قامیشلی ویەکیگ لە شار عامودا.
و ئاماژە کرد لە تۆمار کردن ٣١ تووشهاتن لە پارێزگای حەلەب لەلیان ٢٣ لە کەرت شەهبا و ٥ لە شار کۆبانی و ٣ لە شار مەنبج.
تەندروسیەگە دیاریکرد ک ٦ مردن نوو تۆمار کرد، دوو پیاو و ژتدنیگ لە کەرت شەهبا، و پیاو و ژنیگ لە شار قامیشلی و پیاویگ لە شار حەسەکە.
و ژمارەی خاسەوبویەگان رەسیە ١٣.
و ئاماژە کرد ک ژمارەی گشت تووشهاتنەگان رەسیە ٧٠٣١ لەلیان ١٩٥ مردنە و ١٠٣٢ خاسەوبوین.
