١٦ مردن و ٤٤٧ تۊشهاتن کۆڕۆنا لە هەرێم کوردستان

شەفەق نيوز/ وەزارەت تەندروسی لە حکومەت هەرێم کوردستان، ئمڕوو یەکشەممە، راگەیان توومارکردن ١٦ مردن و ٤٤٧ تۊشهاتن نوو وە ڤایرۆس کۆڕۆنا لە ماوەی ٢٤ سەعات گوزەیشتە.   

وەزارەتەگە لە بەیاننامەیگ رەسیە ئاژانس شەفەق نیوز وت؛ تاقێگەیلی وەماوەی یەک رووژ ٥٤٢٩ تاقیکردنەوە ئەنجام دانە، لەناویان تۊشهاتن ٤٤٧ کەس نوو ئاشکرا بۊی.    

بەیاننامەگە وتیش؛ ٥٥١ بیمار لە پەتاگە خاسەو بۊین، و ١٦ بیمار لەوەر پەتاگە مردن.     

وەزارەتەگە لە بەیاننامەگەی باس ئامار گشتی کرد ک ٢١٨٧١ کەس کەرەنتین کریانە، و ٣٣٩٩٣٣٦ تاقیکردنەوە ئەنجام دریاگە،  لەناویان ٣٦٥٧٥٦ تۊشهاتن ئاشکرا بۊیە،  و ٣٤٩٧٢٥ بیمار لە پەتاگە خاسەو بۊینە،  و ٦٥٥١ مردنە.