کۆمەڵگەیگ فەیلی: کوردەیل فەیلی دویر لە کار سیاسی خریانە
شەفەق نیوز/ کۆمەڵگەی ئازاد ئەرا کوردەیل فەیلی، دووارە باس گومبابوین نۆێنەرایەتی سیاسی فەیلی، و ئەو بەشبەشەوبوینە کرد ک چین فەیلی وەخوەی دوینێد، ک خوەی زەرەدمەنترینە لە سیاسەتەیل رژیم وەرین.
نەوال وەهاب ئەحمەد خانمە وەرپرس رێکخستن ژن لە کۆمەڵگەگە ئەرا ئاژانس شەفەق نیوز وت: زیاتر لە ٢١ هەزار شەهید لە گشت پارێزگایلە لە کورد فەیلی، رژیم وەرین وەسێدارەیان دا، و بەش گەورەیگ لەلیان ماف خوەیان وەرنەگردنە و بەشیگ تر یە دەیان ساڵە هیمان ئاوارەن.
وتیش؛ لەبان ستەمدیمەیی کورد فەیلی باوجی هیمان گوما بوینە و لەلایەن سیاسی دویر خریانە و نۆینەریگ ئاشکرا ئەرا ئی چینە لە کار سیاسی نییە، لەوەر تاویان حزبە فەیلیەیلە و کەسایەتییان لەناو حزبەیلیگ تر وە هاندەرەیلیگ نەتەوەیی یا مەزهەوی.
نەوال خان وتیش؛ پێکهاتەی کورد فەیلی تا ئیسە مافەیل خوەی نەوردگە وە بەراوردی وەگەرد ئەو پێکهاتەیلە لە گشت لایەن و شایستەیلە.
