خانمە خوەنەواریگ کورد فەیلی بڕوانامەی ماستەر لە تۆێژینەوەیگ لەباوەت چینەگەی خوەی وەرگرێد
شەفەق نیوز/ شەوەکی رووژ سێشەممە، گفتۆگو لە پەیام ماستەر ئەرا خانمە خوەنەوار ئەسرا نوری غوڵام کریا، لە تۆێژینەوەگەی ک وە ناونشان (بارکردن کورد فەیلی لە عراق و ئەنجامەگانی تا کۆتایی ١٩٨٠).
خوەنەوارەگە بڕوانامەی ماستەر لە زانکۆی واسیت کۆلێژ زانستە مرۆییەگان/ بەش مێژوو- مێژوو نوو لە تۆێژینەوەگەی وەرگرد.
دەسەی گفتوگۆەگە لە ژمارەیگ لە ماموستاگان بوی، ک خوەیان، م.د محمد کامل عەبدوڕەحمان جوور سەرۆک، م.د عەباس فەرحان زاهر جوور ئەندامیگ، م.د شاکر حسێن مەدموم ئەندامیگ، م.د تاڵب محێبس حەسەن ئەندامیگ سەرپەرشتیار.
غوڵام پلەی نایاب لە تۆێژینەوەگەی وەرگرد ک باس لە کارەیل بارکردنەگان و بردن بەڵکە وقاقەزە فەرمیەگان و پویل هشک وداراییەگان ک رەسینە کورد فەیلی وە درێژایی ساڵەیل گوزەیشتە لە سەدەی گوزەیشتە لە عراق کرد.
تۆێژینەوەگە هەمیش باس لە رەوشە مێژوویەگان و ئەنجامەیلی ک زەمینەسازی ئەرا دەسەڵاتە لەشوون یەکەگان لە حکومڕانی عراق کرد تا ئی تاوانەیلە بکریەن ک دادوەری عراق داوای رمانن رژیم سەدام حسێن داناگەی خانەی تاوانەیل جیۆناساید.
هەمیش خانمە خوەنەوار سەنا عەبد عەلی فەیلی لە پارێزگای بەغداد، دوێەکە بڕوانامەی ماستەر لە زانست کۆمەڵایەتی لە پەیامەگەی وەناونشان «زیان کوردە فەیلیەگان و کارەیل بارکردنیان» وەرگرد.
