مەسعود بارزانی رای خوەی نشاندەێد لە هەڵبژاردن زوینەی عراق

مەسعود بارزانی رای خوەی نشاندەێد لە هەڵبژاردن زوینەی عراق
2020-09-15T12:10:17+00:00
شەفەق نیوز/ مەسعود بارزانی سەرکردەی کورد سەرۆک پارت دیموکڕات کوردستان، ئمڕوو سێشەممە، رای و تێبینیەگان خوەی نشاندا لە هەڵبژاردنە زوینەگە لە عراق ک تەگبیرە لە ناوڕاس ساڵ ئایندە ئەنجام بیریەێد، ئەویش لە چەوپیکەفتنیگ وەگەرد جینین پلاسخارت نوێنەر تایبەت ئەمین گشتی نەتەوە یەکگرتوەگان لە عراق.
وەگورەی بەیاننامەیگ لە نووسینگەی بارزانی رەسیە ئاژانس شەفەق نیوز؛ لە چەوپیکەفتنەگە باس لە رەوشە سیسیەگان عراق کریا، و دویاترین نووەوبویەگان ناوچەگە، و هەمیش رووشنایی خستن لەبان سەختیەگان نووای کارە سیاسیەگە لە عراق.
بەیاننامەگە باسکرد ک بارزانی رای خوەی و تێبینیەگانی ئەرا پلاسخارت وت لەباوەت هەڵبژاردن هاتگ لە عراق، ویاسای هەڵبژاردن.
بەیاننامەگە ئاماژەکرد ک لەناو کۆبونەوەگە باس سەردانەگەی موستەفا کازمی ئەرا هەرێم کوردستان وە خاسی کریا.
لەباوەت ناوچەی شەنگال، هەردوگ لایەنەگە دووپاتکردن لە گرنگی خاسەوکردن رەوشەگەی تا خەڵک ناوجەگە بتوێنن ئەرا ماڵەیلیان بچنەو، و ژیانیان گوزران بکەن، وەگورەی بەیاننامەگە.
Shafaq Live
Shafaq Live