گلەوخواردن ١٨٧٢ کووچبەر ئەرا هەرێم کوردستان
شەفەق نیوز/ فەرمانگەی زانیاری و راگەیانن لە حکومەت هەرێم کوردستان راگەیان، شمارەی کووچبەرەێل کورد ک وە هاتنەوەی خوەبەخشانە لە بیلاروسیا ئەرا هەرێم هاتنە رەسێدە 1872 کووچبەر.
فەرمانگەگە لە بەیاننامەیگ رەسیە ئاژانس شەفەق نوز وت: گەشتەێلە وەردەوامە ئەرا ئەو کەسەیلە خوازن گلەو بخوەن.
وتیش؛ شمارەی بەشەیل گلەوخواردن کووچبەرەیل کورد پەنج بەش بۊیە لە بەش یەکەم 424 هاووڵاتی و لە دۊیەم 176، و سێیەم 432 هاوڵاتی و لە بەش چوارەم کەمەوبۊی ئەرا 420، هاووڵاتی و لە کۆتایی 420.
لە بەیاننامەگە دیاریکرد حکومەت هەرێم وەردەوامە لە دەسمیەتیدان کووچبەرەیل کورد لە گلەوخواردن خوەبەخشانە ئەرا خاک وڵات.
سەرۆکایەتی بلاروسیا راگەیان نزیکەی هەفت هەزار کووچبەر هالە وڵاتەگە، لەلیان لە سنوور نوان پۆڵەندا گیرکردنە رێ وەپیان نێریەێد سنوور رەد بکەن و بچن ئەرا وڵاتەێلتر ئەوروپی.
