داوەزین وەرچەویگ لە تۊیشهاتنەیل کۆرۆنا لە هەرێم کوردستان
2021-10-30T12:59:54+00:00
شەفەق نیوز/ وەزارەت تەندروسی لە هەرێم کوردستان، ئمڕوو شەممە، راگەیان داوەزین وەرچەوێگ لە تۊیشهاتگەێل کۆرۆنا لە ماوەی 24 سەعات گوزەشتە توومار کریاگە.
وەزارەت تەندروسی هەرێم لە بەیاننامەێگ رەسییە ئاژانس شەفەق نیوز وت: 5466 تاقیکردنەوە کردنە لە ئەنجام دەرچگە 358 کەس تۊیش وە ڤاێرۆسەگە هاتنە.
لە بەیاننامەگە وت: 1009 بیمار وە تەواوی خاسەوبۊینە، لە نوانی 21 کەس لەماوەی 24 سەعات گوزەیشتە وە کۆرۆنا مردنە.
جەم شمارەی گشت تۊیشهاتگەێل کۆرۆنا لە ڕووژ بڵاوبۊینی تا ئیسە رەسیە 360953کەس و پسای خاسەوبۊین342289 کەس و 6416 مردن.
وەزارەت تەندروسی لە هەرێم کوردستان، دۊیکە شەو جومعە، توومارکرد 21 کەس مردنە و 849 تۊیشبۊینە وە ڤاێرۆس و 1358 بیمار خاسەوبۊینە.
