لە هەولێر.. نێچیروان بارزانی و محمد شیاع سودانی باس هەڵوژاردن کوردستان کردن
ئەوەیش لە چەوپیکەفتن بارزانی وە سودانی لە هەولێر پایتەخت هەرێم کوردستان، ئیوارەی پەنجشەممە، و باس بڕیگ باوەت و کەیس دارایی و سیاسی لە ئاست نیشتمانی کریا.
وەگورەی بەیاننامەیگ رەسیە ئاژانس شەفەق نیوز، هەردوو لایەنەگە باس گرنگی هەماهەنگی تەقەلایل کردن، وەخاتر پاڵپشتیکردن حکومەت لە جیوەجیکردن بەرنامەیل حکومەتی، کە کەفنە کار خاسەوکردن خزمەتگوزاری و بەرزکردن رەوش ئابووری و ژیانگوزرانی گشت ناوچەیل عراق.
بارزانی و سودانی باس هەڵوژاردن پەرلەمان هەرێم کوردستان کردن، کە ئەوەسا کەفێدە مانگ شوبات ئایندە، و گرنگی پاڵپشتیکردن تەقەلایل کۆمسیۆن باڵای سەروەخوەی هەڵوژاردنەیل، ئەرا مسۆگەرکردن هەڵوژاردنیگ دەسپاک و جبوەجیکەر ئەرا نووڕین و تەمای هاووڵاتیەیل هەرێم کوردستان.
وەگورەی بەیاننامەگە، هەردوگ لایەنەگە باس شمارەیگ لە لایەن ئەمنی و ئابووری، و سەختیەیل لەڕوی ئامانج قایمکردن ئارامی و بتەوکردنی کردن.
